Quantum poem by Dr. Madhu Madhurya

क्वान्टम कविता :
==========

त्यो बस्ती...
- डा. मधु माधुर्य

मैले देखेका / नदेखेका बस्तीहरु छन्
मैले हिंडेका / नहिंडेका बाटाहरु छन्
सपनीमा देख्छु / विपनीमा देख्छु
तिनलाई -
र सम्झन्छु
मैले साक्षात्कार गरेको / नगरेको हरेक क्षणहरुलाई ...

कलिलो बिहानी घाम मनपर्छ
मलाई
साँझपूर्वको मन्द घाम मन पर्छ
रोकेर अपरान्ह वा साँझहरु
क्षितिजमाथि घाम थामिराख्न नसक्दा
बानी पर्दै गए रातहरु ....

Haiku : Dr. Madhu Madhurya

हा-ई-कु
- डा. मधु माधुर्य

के हो जीवन ?
प्रश्नै प्रश्नको भीर
लड्छु गर्ल्याम्म !

ढुंगा होइन
मन फूल मुस्का'को
सुन्दर देख्छु ...

प्रयाप्त हुन्छ
मात्र १ थोपा विष
मृतु -हाजिर !

उपदेश त्यो
मान्नु पर्ने कस्ले हो ?
दिन्छन् सबैले !

मन जल्दछ
तेलबिना हुर्हुरी
'इर्ष्या-तन्त्र' ले !

Lyrics : Amar Sarovar

गीत
अमर सरोवर तामांग

यस्तो लाग्छ कहिलेकाही नभेटिदै छुट्ने हुन् कि
डर लाग्छ सजाइएका सपनाहरू टुट्ने हुन् कि
विपनीमा नदेखे'नि सपनीमा देखेको छु
सपनीमा देख्नेकै नाम मुटुभित्र लेखेको छु
मेरा यस्ता मनका कुरा कतै नबुझ्ने पो हुन् कि
डर लाग्छ सजाइएका सपनाहरू टुट्ने हुन् कि
ऐलेसम्म आफूलाई सम्हालेर राखेको छु
दु:ख-सुख दुबैलाइ अँगालेर बाँचेको छु
छातीभित्र कोशी छन् बाँध कतै फुट्ने हुन् कि
डर लाग्छ सजाइएका सपनाहरू टुट्ने हुन् कि
यस्तो लाग्छ कहिलेकाही नभेटिदै छुट्ने हुन् कि
डर लाग्छ सजाइएका सपनाहरू टुट्ने हुन् कि

Pages