साप्ताहिक सिर्जना (अंक-१७) : कविता "जीवन जिउने कला ”- श्रीधर आचार्य

कविता
"जीवन जिउने कला "

मर्ने त पक्कै हो
आज या भोली
हाँसी देऊ न ए साथी
दिल मन खोली !!

मर्नु अघि बाँच्न सिकौँ
कति लिनु चिन्ता
यो जुनी फर्किदैन है
छोडौँ सबै टन्टा !!

यो भएसी त्यो हुन्छ
त्यो भएसी यो होला
भन्दा भन्दै समय जान्छ
अब जिउने कहिले होला !!

जे होला राम्रै होला
फेर्नै पर्छ मानव चोला
बहे पछि जिन्दगीको खोला
जपौं शिव शंकर भोला !!

आनन्दले बाँचे
मरण सजिलो हुन्छ
तनावमा रहे
जीवन भित्र भित्रै रुन्छ !!

यही हो साथी
जीवन जिउने कला
होस् सबैको भला
शिव शंकर भोला !!

ओम् !

-श्रीधर आचार्य
कपिलवस्तु , नेपाल