लघु-कविता
"इतिहास"
- मधु माधुर्य
ठाउँठाउँमा मक्किएका / च्यातिएका पाना
ठाउँठाउँमा पुराना / आला रगतका टाटा
बीचबिचमा हराएका पाना
कतै चिथोरिएका
र कतै आँसुले ढुसिएका पाना ...
अर्थात् घाइते अक्षरहरुको संगालो
यो माटोमा उभिएर
जब म आफ्नो हातले उचाल्न खोज्दछु
"इति" हुन्छ मेरो हाँसो
मेरो देशको इतिहास !
******************
New Music video:
Title; Jaha Jau ma
Lyrics: Dr. Madhu Krishna Shrestha
Music:Shakti Ballav
Singer:Sishir Yogi
Direction: Ramesh Khadka
Production:Media Service, Nepal
Nepali Poem "Kaal Drishya"
(TIME VISION)
by Dr. Madhu Madhurya
डा. मधु माधुर्य
काल-दृश्य
…. कसले गर्छ आज-भोली परायाको हित ?
भित्र-भित्रै लाए सबले स्वार्थसंग मित !
जता जाऊ, त्यता हेर पैसा कै छ जीत
स्वर्ग, मर्त्य, पाताल गाउँछन् यमराज कै गीत
चिप्लो बोली मानिसको सस्तो भाउ छ हाटमा
जिउंदै मान्छे जलाइन्छन् दिलको आर्यघाटमा
“शुद्ध” घोषित नदी आखिर टुकुचामै खस्छ
भोट माग्ने गोमन नेता जन्मभूमि डस्छ