MUKTAK

४ मेट्रो-मुक्तकहरु
-------------------
डा. मधु माधुर्य

१.
सन्तापको भारीमाथि अर्को भारी 'तिमी' लाई बोकी हिंडिरहेछु
एकैछिन बिसाउने मन छ यहाँ चौतारी खोज्दै हिंडिरहेछु
तिमी नहुँदा पनि टाउकाभरी गर्हुङ्गा यादहरु कै छ बास
मानौं, जिउँदो मानिसको लास बोकेर हिंडिरहेछु !

२.
मानवता, प्रेम ,करुणा के हो थाहा छैन
फगत "द्रव्य" तृष्णाले तड्पिएर बाँचेका छन् मान्छेहरु
समय भीरबाट खसेको ढुङ्गो जस्तो छ तर देख्दैनन्
अर्थहीन डम्फु बजाएर हिंडिरहेछन् मान्छेहरु

Gajal_dalbir

गज़ल

उदण्ड छन् माननीय कानूनको बार छैन
यो देशमा नैतिक्ता र कुनै शिष्टचार छैन

जहाँबाट मर्यादाको उदाहरण दिनु पर्थ्यो
त्यहीभित्र ताण्डव छ यस्तो त संसार छैन

ईतिहास बनाउँने जिम्मेवारी सुम्पेका थ्यौं
कर्तव्य बोध हुन्न छोड बस्ने अधिकार छैन ।

'मेरो गोरु बाह्रै टक्का' कतिदिन गर्छौ भन?
वर्षौं भयो देश लुट्या अँझै वार-पार छैन ।

'घायल'झैं दुनियाँले यही प्रश्न सोधेका छन्
जनताप्रति नेताहरू किन जिम्मेवार छैन?

दलवीर सिंह बराइली 'घायल'

गुप्तेश्वर-३,रामेछाप
हाल:अलऐन,युएई

सर्वाधिकार©घायल

Pages