हा-ई-कु
- डा. मधु माधुर्य
के हो जीवन ?
प्रश्नै प्रश्नको भीर
लड्छु गर्ल्याम्म !
ढुंगा होइन
मन फूल मुस्का'को
सुन्दर देख्छु ...
प्रयाप्त हुन्छ
मात्र १ थोपा विष
मृतु -हाजिर !
उपदेश त्यो
मान्नु पर्ने कस्ले हो ?
दिन्छन् सबैले !
मन जल्दछ
तेलबिना हुर्हुरी
'इर्ष्या-तन्त्र' ले !
गीत
अमर सरोवर तामांग
यस्तो लाग्छ कहिलेकाही नभेटिदै छुट्ने हुन् कि
डर लाग्छ सजाइएका सपनाहरू टुट्ने हुन् कि
विपनीमा नदेखे'नि सपनीमा देखेको छु
सपनीमा देख्नेकै नाम मुटुभित्र लेखेको छु
मेरा यस्ता मनका कुरा कतै नबुझ्ने पो हुन् कि
डर लाग्छ सजाइएका सपनाहरू टुट्ने हुन् कि
ऐलेसम्म आफूलाई सम्हालेर राखेको छु
दु:ख-सुख दुबैलाइ अँगालेर बाँचेको छु
छातीभित्र कोशी छन् बाँध कतै फुट्ने हुन् कि
डर लाग्छ सजाइएका सपनाहरू टुट्ने हुन् कि
यस्तो लाग्छ कहिलेकाही नभेटिदै छुट्ने हुन् कि
डर लाग्छ सजाइएका सपनाहरू टुट्ने हुन् कि
हाइकु - कुवा
मर्छ कि क्या हो डुबी ?
कलिलो मन
हाइकु -"हावा"
कहाँ फुल्छ "माधुर्य"?
अप्रिल फुल !
अण्डा कि फूल ?
मात्र ढाँटको गेडो -
अप्रिल फुल !
गणतन्त्र? खै -
गाँस-बास-कपास ?
अप्रिल फुल !
"राजनेता" रे
"घर-बंगला... "-स्वप्न
अप्रिल फुल !
"सिद्धान्त"(?) - भूल !
पद,कुर्सि...कै खेती
अप्रिल फुल !
गिर्दोछ मान्छे
पैसो भयो गन्तव्य
अप्रिल फुल !
जीवन -आगो
निभ्छ हाम्रो १ दिन
चेतना भया !
छन्दमा कविता
कुशलकुमार निरौला
छन्द: - पञ्चचामर
***************
म बन्न सक्छु शैव नै घसेर भस्म चन्दनै
म भज्न सक्छु कृष्ण नै दिएर ध्यान मन्मनै ।
म लाग्न सक्छु सत्पथै सुनेर ज्ञान गाथ नै
म माग्न सक्छु भीख नै दिलाउ मुक्ति नाथ नै ।।
छन्द:-शार्दूलविक्रीडित
*****************
आयो तीज गयो दिएर मनमा उन्मत्त हाँसो सदा।
छायो देश विदेश एक समता भूले सबै कष्टता।।
नारीले पहिरे चिटिक्क हुनमा राता र मूगा लुगा।
देब्रे काँध झपक्क तिल्लरि अहो स्वर्णादिले छाँइदा ।।