Editorial view

Editorial
A quantum thought on reality of life and literary context today

सम्पादकीय

क्वान्टम चिन्तनभित्र जीवनको यथार्थ र साहित्यको सन्दर्भ

...मानवीय संवेदनालाई दिन-प्रतिदिन भुत्ते बनाएर हामी बढी यान्त्रिक भएका छौं - यो यथार्थ हाम्रो आधुनिक जीवनशैलीको मूल "एट्रीब्युट" जस्तो बनेको छ |
पैसाले हाम्रो जीवनको बाटोलाई छेकिदिएको छ चारैतिरबाट |

साप्ताहिक सिर्जना (अंक-१८) : कविता "सकेत-ध्वनि”- बेल्ला अख्मादुलिना

कविता
"सकेत-ध्वनि"

इशारा गर्दागर्दै ध्वनिले, बितिरहेछ दसौं दिन
म तिमीलाई पर्शिन्स्काया सडकमा कुर्दैछु।
र फेरि म पूर्णिमाको अन्तमा पनि कुर्नेछु ।
संकेत गर्ने ध्वनि यतै कतै छ ।
शृष्टिको केन्द्रद्वारमा अवतरण गर
तिमी किन मलाई लुक्दै हेरिरहेछौ ?

संकेत गर्ने यो आवाज अझ ठूलो होस्
मेरो गल्ती पनि यातनाभन्दा ठूलो छ।
र मेरो जस्तै, कसको कानमा प्रेम दर्शाउँछौ ?
पूर्णिमाले त मलाई क्षमा गर्छ
तर मलाई संकेत गर्ने कुनै आवाज छैन।
मेरो निम्ति कुनै आवाज छैन। किन उ पहिले आयो ?

साप्ताहिक सिर्जना (अंक-१८) : कविता "नववर्षलाई स्वागत छ”- कृष्णप्रसाद गौतम

कविता
"नववर्षलाई स्वागत छ”

हे नववर्ष !
तिमी हरेक नेपालीको मनमनमा
घरघर अनि बस्तीहरूमा
नवसन्देश लिएर आऊ
उज्यालो लिएर आऊ
तिमीलाई स्वागत छ।

वसन्तसँगै हातेमालो गरेर
नवकोपिलाहरूको फक्राइ जस्तै मुस्कुराउँदै
चपल शावकहरूको लोभ लाग्दो चाल जस्तै
सगरमाथाको झैँ उच्चता र गाम्भीर्यको साथमा
प्रत्येक नेपालीको गौरव बनेर आऊ
नाच्दै मुस्कुराउँदै आऊ
हे नववर्ष! तिमीलाई स्वागत छ।

साप्ताहिक सिर्जना (अंक-१७) : कविता "जीवन जिउने कला ”- श्रीधर आचार्य

कविता
"जीवन जिउने कला "

मर्ने त पक्कै हो
आज या भोली
हाँसी देऊ न ए साथी
दिल मन खोली !!

मर्नु अघि बाँच्न सिकौँ
कति लिनु चिन्ता
यो जुनी फर्किदैन है
छोडौँ सबै टन्टा !!

यो भएसी त्यो हुन्छ
त्यो भएसी यो होला
भन्दा भन्दै समय जान्छ
अब जिउने कहिले होला !!

जे होला राम्रै होला
फेर्नै पर्छ मानव चोला
बहे पछि जिन्दगीको खोला
जपौं शिव शंकर भोला !!

आनन्दले बाँचे
मरण सजिलो हुन्छ
तनावमा रहे
जीवन भित्र भित्रै रुन्छ !!

Pages