क्वान्टम-कविता

अब उठ्छु म माटोसँगै ...

- मधु माधुर्य

सबथोक भएर पनि केहि नभएकोजस्तो
हाम्रो संस्कारले -
देशले भिख माग्दामाग्दा भिखारी बनेको
मेरो मनस्थिति
आज १८० डिग्रीमा फनक्क घुमेको छ
र दृश्य र मान्यताहरुको उलटपुलट
शुरु हुनै लागेको छ ...

"मोराले मन्दिरै भत्काउने पो हो कि"

भगवान थरर काम्दै हिंडीरहेछ मेरो सामु

पशुपतिनाथको देशमा
म
उसको छाडा बसाहा भन्दा पनि उद्दण्ड भैरहेछु

मृत्यु नै मेरो देह-रक्षक भई सकेपछि

मैले कुन मूल्यमा अब कोसंग डराउनु पर्यो ?