कविता
"पर्दा भित्र पर्दा बाहिर"

जीवन यहाँ आज
समयको पारदर्शी पर्दाको चौघेरोमा
अंशबण्डा भएको छ
पर्दाभित्र, पर्दा बाहिर।

समय संगीन तरवार लिएर
समुद्र वारी समुद्र पारी,
क्षितिज वारी क्षितिज पारी,
मानवीय सभ्यताको
चौकिदारीमा फेरी लगाऊदै छ।

त्रासादीको भँगालोमा भास्सिएको
सभ्यताको पर्दाभित्र
बाँच्ने जिजीवीषा सम्हालेर
जीवन
कहरको चक्रव्युहमा निसास्सिदा
उन्मुक्तिको मलिन आशामा
सहास र धैर्यताको कसीमा घोटिएर
जिन्दगीको परीक्षामा सँघर्षशील छ।