कविता

एउटा भिन्नै युद्ध

मानबजातिले ईतिहासमा थुप्रै युद्ध लडे
कहिले धनुष, भाला र तीरले लडे
कहिले खुकुरी, तरवार अनि बन्दुकले लडे
कहिले तोप, गोला र बारुदले लडे त
कहिले एटम बम, हाईड्रोजन र न्युक्लियेर बम ले लडे
यसरी मानबजातिले थुप्रै थुप्रै युद्ध लडे

आज मानबजातिले
एउटा भिन्नै युद्ध लडिरहेछ
आजको युद्धमा दुश्मन अदृश्य छ
विश्वको हरेक कुनामा युद्धको धावा बोलिरहेछ
कहाँ छ कसरि छ अनि कुन ठाउँमा छ देखिदैन
तर दुश्मनले हजारौं मानबलाई आक्रमण गरिरहेछ