FREE NEPAL:Global Network of Nepali Literature

हाइकु हिमालमा

0
मधु माधुर्य
हाइकु हिमालमा
लाटो टुरिष्ट !

***

१
हत्केलाबाट
खुस्केको समय भो
बगेको बैंश !

***

२
"प्रेम.. प्रेम... रे
भ्याकुम जस्तो मुटु
बगरे दुंगो !

***

३
रुप मान्छेको
व्यबहार पशुको
बुख्याँचा साला,,, !

***

४
फाटेको गोजी
मित्रता खस्ने भीर
तिमि पो खस्यौ ?

***

५
मान्छे भो ढुङ्गो !
ढुङ्गो भो भगवान !
ढुङ्गो भो लक्ष ?

***

कविता :
इतिहासमा देखिने /नेखिने पानाहरु
- मधु माधुर्य

कुनै दन्त्यकथाको अंश होइन यो
मात्र हिजोको कुरा हो
कुनै बेला अंशुवर्माले
छोरी भृकुटी दिएर "आक्रामक" भोटबाट देश जोगाएको इतिहास सुनेको थिएँ
सबै घरको चुल्होमा आगो नबलेसम्म भात नखाने शासकको कथा सुनेको थिएँ
"देश ४ जात ३६ वर्णको साझा फूलबारी" भन्ने पराक्रमीको जीवनी सुनेको थिएँ ...

आज -
सत्ताको नियुक्ति बुझ्न
"हाम्रा" सिल्ली नेता दिल्ली दौडिरहन्छन्
"रिमोट-कन्ट्रोल सिग्नल" मा चलिरहन्छन्
देखाउंदै
रित्तिएको इमान र देशभक्ति !

सामयिक चिन्तन :

विज्ञान र चेतना

- डा. मधु माधुर्य

भेदेन्खा-पार्कको क्याफे ग्राहकलाई थोरै कफी खुवाएर हिउँदको चिसो बिहानीलाइ न्यानोमा बदल्छ |
त्यो ठाउँ साथहरु भेट्ने थलो पनि हो | त्यही क्याफेमा
गत हप्ता एकजना रुसी "प्रोफेसर" सँग कफी खाँदै गर्दाको मेरो लघु-वार्तालापका केहि स्मरणीय क्षणहरु सम्झिरहेछु :

प्रोफेसर : तपाईं पनि म जस्तै विज्ञानको शिक्षार्थी पर्नु भयो; तर पूर्वीय दर्शनसंग तपाईं सायद नजिक हुनुहुन्छ , "इश्वर" छ कि छैन होला ?
म : "इश्वर" भए पनि छैन भन्छु म, मैले देखाउन खोज्दा ऊ तपाईंले अपेक्षा गर्नु भए बमोजिम प्रकट हुन चाहदैन ...

दुइ मुक्तकहरु
+++++++++
"सत्य बोल्दा " र "झुक्किएको मौरी'"

- मधु माधुर्य

१.
सत्य बोल्दा असुरक्षित महशुस हुन्छ किन ?
किन ?
============================

सत्य बोल्दा असुरक्षित महशुस हुन्छ किन ?

राम्रो गर्न खोज्दा नराम्रो सोच्छन् किन ?

'मुटु दिएर' कसैलाई आफू रित्तिदा पनि

शंकै शंकाको भीरमा मान्छे जाकिन्छ किन ?

किन ?

सत्य बोल्दा असुरक्षित महशुस हुन्छ किन ?

किन ?

---------------------------------------------------

२.

....जस्तो भा'छु