FREE NEPAL:Global Network of Nepali Literature

कविता -
" प्रिय, म मन्त्री हुन सक्दिन " -

ध्रुव सापकोटा

काग भएपनि
उ
कोइलीको गीत गाउँछ
ममा त्यो कला छैन
बाज भए पनि
परेवाका प्वाँख फिजाउँछ
म चटकी हैन प्रिय
म सक्दिन त्यसो गर्न
म मन्त्रि हुन सक्दिन !
तिमीलाई भोक लाग्छ
मलाई पनि लाग्छ नि प्रिय
तिमीलाई प्यास लाग्छ
मलाई पनि त लाग्छ नि प्रिय
तर
हाम्रो र उस्को भोकमा अन्तर छ
हाम्रो र उस्को प्यासमा अन्तर छ
उस्को पेट ठूलो हुन्छ
जती खाए पनि नअघाउने
कुम्भकर्ण हुन्छ उ !

कविता

भ्रम

-मधु माधुर्य

मार्च -१४ ले क्यालेन्डरमा
हाराकिरी गरेको दिन -
समयले आमाको अन्जुलीभरि
केहि चल्लाहरु थमाई दियो :
आफ्नै सम्झेर पालिन् , हुर्काइन, बढाइन्
र एकदिन उडाइन् :
एकहुल हुचिल र चिलहरु तँछाड-मछाड गर्दै आकाशमा उडे
आमाले सोचेको परेवाहरु हैन रहेछन् ती ....

कविता
चन्द्र गुरुङ
·
तिम्रो दुई आँखाको गुँडबाट
उड्दै-उड्दै मेरो क्षीतिजतिर आउने चरीले
मेरो मनको डाँडाकाँडा
चिरबिराउँछ खुशी ।
तिम्रो ओँठमा फुलेको चुम्बन
मेरो गालाको फाँटभरि रंगीन फूल मुस्कुराउँछन्
र, मगमगाउँछ सुवास ।
त्यो स्पर्शको आँधीले
मनको समुद्रमा
मच्चाउँछ लहर-लहर प्रेमिल हलचल ।
र,
तिम्रो बोलीको हवाइजहाज चढेर
पैरासूटमा झुल्दै-झुल्दै मेरो जीवनको देश-प्रदेशमा
आइपुग्छ हर्ष र उल्लास ।
सधैँ सधैँ
तिमी सयमको अँध्यारो गल्ली कुनातिर
आशाको ल्याम्पपोस्ट उभिदिन्छौ
र, म

मुक्तक :
=========
देशको अस्मिता लुट्नेहरु

- मधु माधुर्य

पुर्खाले ज्यान गुमाएर बचाएको देश
आधि खाएर सके
बाँकी सुम्पिदिने तयारीमा
निर्लज्ज नव लेन्डुपहरु
विविध स्वाँग गरिरहेछन् ...

सत्ता भए पुग्यो,
देशकोलागि माखो नमार्ने
सत्ता टिकाउनै परे, जनतालाई पनि मार्ने
हाम्रो देशमा यस्ता पनि "नेता"हरु छन् -
संबिधान बनाउन भत्ता दिँदा, "नेपालबन्द" भनी टार्ने

यो सबै भोग्नेहरू कुन अबस्थामा छन् आज ?
सुन्नेहरूलाई भने ऐठन हुने अबस्था छ ...