FREE NEPAL:Global Network of Nepali Literature

कविता
"नयाँ युग"

हरेक क्रान्ति पछि,
नयाँ युग
हरेक क्रान्तिपछि,
पुराना प्रतिमा / सालिकहरु ढालिन्छन्,
पराई इतिहास च्यातिन्छन्, फालिन्छन्
नयाँ शासकका वीरगाथाका पानाहरु टासिन्छन्
नयाँ नाटक देखाइन्छन्, नयाँ गीत गाइन्छन्,
क्रान्तिकारीका विशालतम तस्बिर टागिन्छन्
नयाँ सालिक ठडिन्छन्

अनि केहि नयाँ केहि पुराना आस्था, सिद्धान्त र विचार घोली
जनतामा नयाँ उत्साह, उमङ्ग र आशाका ढोल बजाइन्छन्

गजल

उकालीमा चिसाे , पँधेरीकाे, पानी याद आयाे ।
डाेकाे बाेकी जङ्गल जाने, ती सानी याद आयाे ।

गाउँघर , हरा र भरा , हिमालकाे फेदमा ।
झाेला च्यापि स्कुल जाने बाबु , नानी याद आयाे।

चाैतारीमा वर पिपल , कत्ति शितल आहा!
पहाडी वयकी रुपकी, ती रानी याद आयाे ।

बिहान देखि मेलापातमा , भाेकाए नि आफू
पाेल्टाकाे मकै बाँडी हिड्ने , ती दानी याद आयाे ।

मन खाेली, हित बाँड्ने , साथ हात दिने राम्रो ।
स्वच्छ मुस्कानमा बाेल्ने त्यो बानी याद आयाे।

कविता
"आमा"

गुराँस त्यसैगरी फुलेको छ
जसरी तिम्रो माया
हिमाल जस्तो टल्किरहेछ
आमा तिम्रो माया !

पृथ्वीको त्यो गोलार्धमा तिमी छौ
यता म छु यो मरुभूमिमा
घाम एउटै हो
जून उस्तै हो
बिहान उस्तै,
दिन रात उस्तै
जब सम्झना हुन्छ तिम्रो
छातीभित्रका उकुस मुकुस भावनाले
वाडुली लाग्न थाल्छन्
असमेल !